Волейболын спортын мастер, талийгаач Э.Сайханбаатарын зуурдаар нас барсан хэргийг цагдаагийн байгууллага шалгаж байна
Олон улсын хэмжээний мастер Эрдэнэбатын Сайханбаатар 2024 оны гуравдугаар сарын 14-ний өдөр зуурдаар таалал төгсөж, Монголын волейболын спортын салбарт нөхөж баршгүй том гарз тохиогоод байна
Тэрбээр, 2008 оноос Солонгосын Ханьяаны Их сургуульд волейболын чиглэлээрээ суралцан БНСУ-ын Оюутны лигт, 2010 оноос хойш Монгол Улсын шилдэг клубууд болох Эрчим, Алтайн барс, Тэнүүн Огоо клубуудэд тоглодог цаг үеийнхээ шилдэн тамирчин байжээ.
Талийгаач Э.Сайханбаатарыг зуурдаар нас барсан хэргийг цагдаагийн байгууллага шалгаж байна. Талийгаач Хан-Уул дүүргийн гуравдугаар хороонд байрлах нэгэн байрны 14 давхраас унаж амиа алдсан байна.
Албан бус эх сурвалжийн мэдээлж буйгаар талийгаач нь хуулийн байгууллагад шалгагдаж байхдаа ийнхүү амь насаа алдсан харамсалтай явдал болжээ.