2015 онд хүн алах захиалага өгөөд оргон зайлсан Б гэгчийг Австралиас барьжээ
Read Time:42 Second
2015 онд Монгол Улсын иргэн “А”-г бусдын захиалгаар амь насыг нь хөнөөсөн гэмт хэргийг үйлдсэн этгээд нь ОХУ-аар дамжин БНХАУ руу оргон зайлжээ.
Тухайн этгээдийг интерполын шугамаар эрэн сурвалжлан олж тогтоон 2017 онд БНХАУ-аас шилжүүлэн авч холбогдох хэргийг шалгахад “Б” гэгчийн захиалгаар уг хүн амины гэмт хэргийг үйлдсэн болох нь тогтоогдсон байна.
Хүн алах гэмт хэргийн захиалгыг өгсөн “Б” нь тухайн үед мөн гадаад улсад оргон зайлсан байсныг Интерполын шугамаар олон улсын хэмжээнд эрэн сурвалжилж “Шувуу” ажиллагааны хүрээнд Австрали улсад байгааг нь тогтоожээ. Улмаар тус улсын эрх бүхий байгууллагуудтай хамтран ажилласны дүнд 2024.04.30-ны өдөр Монгол улсад албадан авчрах ажиллагааг явуулж байна.
Түүнийг Монгол улсад авчрах ажиллагааг Хууль зүй, дотоод хэргийн яам болон Цагдаагийн Ерөнхий Газраас Австралийн Холбооны Улсын Хууль сахиулах байгууллагууд, тус улсын Интерполын Үндэсний төв товчоотой хамтран амжилттай зохион байгууллаа гэж ЦЕГ-аас мэдээллээ.
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating