05 сарын эхний арав хоногын цаг агаарын төлөв

05 сарын 6-10-ны өдрүүдэд Монгол орны ихэнх нутгаар, үүний дотор Хангайн болон Төвийн аймгуудын нутгаар жилийн 4 улирлын уур амьсгал ээлжлэн тохиох төлөвтэй байна!

6-ны өдөр ихэнх нутгаар дулаарч, Их нууруудын хотгор, Алтайн болон Хангайн нурууны хоорондын хөндийгөөр +24+26, Увс, Ховд, Говь-Алтайн зарим сумдын нутгаар +28+30 градуст хүрч хална.

7-ны өдөр төвийн болон говийн аймгууд, Төв, Сэлэнгэ, Булган, Архангай, Өвөрхангай, Дундговийн нутгаар +28+30 градус, Баянхонгор, Өмнөговийн зарим сумдын нутгаар +30- 32 градуст хүрч халах төлөвтэй байна.

8-ны өдөр баруун, хангайн бүс нутгаар, 9-ний өдөр хангайн болон төвийн бүс нутгаар,
10-ны өдөр төвийн болон зүүн бүс нутгаар хүйтэн агаарын урсгал түрэн орж ирж цас хур тунадас орох, улмаар нийт нутгар огцом хүйтэрнэ.

Тийнхүү өдөртөө +28+30 градус хүрч байсан халуун дараа өдөр нь огцом хүйтэрч баруун, хангайн бүс нутгаар цастай, өдөртөө 0+2 градус, шөнөдөө -2-4 градуст хүрч эргэн өвлийн улиралтай учирч болзошгүй байна.

Ялангуяа 10-ны Баасан гаригт нийт нутгаар хүйтэн, сэрүүн, төвийн, говийн болон зүүн аймгуудын нутгаар салхи шуургатай, хаврын зэвэргэн өдөр тохиох төлөвтэй байгааг онцгой анхаарч ажил төрлөө эртнээс зөв төлөвлөнө үү!

Ирэх 7 хоногийн Пүрэв, Баасан гаригт баруун, хангайн, төвийн аймгуудын нутгаар зорчиход цаг агаар тааламжгүй байна.