Яармагийн “Номин” дэлгүүрээс ТЭЦ4 хүртэлх замыг 09-26-нд нээнэ
Яармагийн “Номин” дэлгүүрийн замаас Эрчим хүчний гудамж буюу ТЭЦ-IV хүртэлх зургаан эгнээ бүхий хоёр урсгалтай шинэ замын хөдөлгөөнийг есдүгээр сарын 26-нд нээнэ.
Шинэ замын маршрут нь Яармагийн Номин их дэлгүүрээс ТЭЦ-IV-ийн замтай холбогдоно.
Замыг тавихад Туул, Дунд гол дээгүүр нийт гурван гүүр баригдсан бөгөөд замын урт 2.4 км.
Одоо ТЭЦ-IV-ийн замын төгсгөл буюу Гурвалжингийн гүүр, Хөсөг трейд рүү явдаг замыг дөрвөн эгнээ болгож өргөсгөх юм байна.
Наадамчдын гудамжны замыг Эрчим хүчний гудамжтай холбох төсөл хоёр үе шаттай, нийт санхүүжилт 119 тэрбум төгрөг. Замын бүтээн байгуулалтын ажлыг “Тотал Инж” компани гүйцэтгэж байгаа билээ.