АНУ-ын Ногоон картны сугалаа 10 сарын 02-ноос 11 сарын 05-ны хооронд явагдана
Монгол дахь АНУ-ын Элчин сайдын яамнаас санамж гаргажээ.
Та 2026 оны Олон үндэстний цагаачлалын визийн хөтөлбөрт (ногоон карт) бүртгүүлэх гэж байна уу? Танаас мөнгө авч бүртгэлд тусалъя гэх хүмүүсээс болгоомжлоорой. Бүртгэл ямар ч ХУРААМЖГҮЙ. Таны сонгогдох магадлалыг дээшлүүлнэ гэж амлаж буй хувь хүн, үйлчилгээний газруудад ч бүү итгээрэй. Олон үндэстний визийн хөтөлбөр нь шаардлага хангасан бүртгэлээс санамсаргүй байдлаар (сугалааны зарчмаар) сонгон шалгаруулалт явуулдаг. Нэг хүн нэг л бүртгэл үүсгэх эрхтэй.
Та 2024 оны 10-р сарын 2-ноос 11-р сарын 5-ны хооронд dvprogram.state.gov цахим хуудсаар бүртгүүлэх боломжтой гэжээ.