БНАСУ, ОХУ-руу 12 мянган цэрэг илгээж Украйны дайнд нэмэлт хүч өгнө

Хойд Солонгос улс Оросын талд тулалдуулахаар цэргүүдээ Украинд илгээж эхэлсэн тухай Өмнөдийн тагнуулын агентлаг мэдээлсэн. Энэ мэдээлэлтэй холбоотойгоор Өмнөд Солонгосын ерөнхийлөгч Юн Сук Ёл Баасан гаригт аюулгүй байдлын хурал зарлажээ. Тэрбээр олон улсын хамтын нийгэмлэгт хандан боломжит бүх арга хэмжээг авахыг уриалсан юм. Баасан гаригийн уулзалтад Өмнөдийн Үндэсний аюулгүй байдлын алба, Батлан хамгаалах яам, Үндэсний тагнуулын албаны гол албан тушаалтнууд оролцжээ.

Өмнөдийн тагнуулын агентлагаас нэг хоногийн өмнө Украины ерөнхийлөгч Зеленский мөн ижил төстэй мэдэгдэл хийжээ. Зеленскийн хэлснээр Хойд Солонгосын 10 мянган цэрэг Украинд дайтаж магадгүй аж.

Өмнөдийн тагнуулын мэдээлэлд дурдсанаар 1500 цэрэг хэдийнэ ОХУ-д ирсэн байна. Тэдгээр цэрэг ОХУ-ын Владивосток, Уссурьеск, Хабаровск, Влаговешенскт сургалтад хамрагдаж байгаа аж. Уссурьеск, Хабаровск орчмыг агаараас авсан зургийг Өмнөдийн тагнуулын агентлаг нийтэлсэн. Уг зургийг харахад хэдэн зуун хойд солонгос цэрэг цугларсан байжээ. Мөн Хойд Солонгосын Чонжин боомтын зургийг агаараас авсан байна. Тус боомтоос хойд солонгос цэргүүдийг Оросын хөлөг онгоцоор тээвэрлэж байна.

Нийтдээ 12 мянга орчим цэрэг ирнэ гэж Өмнөдийн тагнуулын алба таамаглаж байна.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %