Хүчирхийлэгч “Дидди” Комбсын хохирогчид шүүхэд нэхэмлэх өгсөөр байна

Read Time:1 Minute, 26 Second

Нью-Йоркийн холбооны шүүгч лхагва гарагт Шон “Дидди” Комбсын эсрэг гаргасан иргэний нэхэмжлэлийг хэрэгсэхгүй болгосон байна.

Уг нэхэмжлэлийг тухайн үед 39 настай байсан эрэгтэй 2022 онд Нью-Йоркт болсон гэрийн үдэшлэгийн үеэр Комбс түүнийг бэлгийн хүчирхийлэлд оруулсан гэж гаргажээ.

Нэхэмжлэгч, одоо Жоржиа мужид амьдарч байгаа эрэгтэй бөгөөд тухайн үед үдэшлэгт найз нөхөдтэйгээ оролцсон архи уусны дараа бие нь хяналтаа алдсан, ухаан санаа нь бүдгэрсэн гэж мэдэгдсэн байна.

Нэхэмжлэлд дурдсанаар, “Тэр ухаан орох үедээ хар хана, хар даавуугаар бүрхэгдсэн харанхуй өрөөнд сэрсэн. Өөрийнх нь орон дээр Комбс дээрээс нь дарсан байхыг хараад айдаст автсан” гэжээ.

Гэвч шүүгчийн хэлснээр, нэхэмжлэгч нэрээ нууцлан “Жон Доу” нэрээр хэрэг үүсгэх зөвшөөрөл аваагүй учраас энэ хэргийг хэрэгсэхгүй болгосон байна.

Тэрээр “Ийм төрлийн хэргийг шүүхийн зөвшөөрөлтэйгөөр нэр нууцлан, тусгай журмаар явуулах ёстой” гэж мэдэгджээ.

Комбсын эсрэг гаргасан бусад ижил төстэй нэхэмжлэлүүдийг Хьюстон хотын хувийн гэмтлийн хуульч Тони Базби төлөөлж байгаа бөгөөд эдгээр нэхэмжлэгчид бүгд нэрээ нууцалсан байдаг.

Хачирхалтай нь, энэ долоо хоногт Комбстой холбоотой нэг нэргүй нэхэмжлэгч Базби болон түүний хуулийн фирмийг хахуульдаж, сүрдүүлэх замаар мөнгө нэхсэн гэж буруутгасан нэхэмжлэл гаргажээ.

Мөн Комбсын эсрэг гаргасан өөр нэг шинэ нэхэмжлэлд 1990-ээд оны сүүл, 2000-аад оны эхээр жүжигчин байсан нэг эрэгтэйг Нью-Йоркт клипэнд тоглуулах нэрийдлээр хуурч, хүчирхийлсэн тухай дурдсан байна.

Энэ эрэгтэй “Комбс өөрийг нь ‘зөв хүн’ гэж хэлээд, суугаарай гэж заасан. Дараа нь уусан содатай ус нь ямар нэгэн бодис той холисонг нь ууж хордоод ухаан алдсан” гэжээ.

Мөн “Комбсын цээжин дээрх шивээс болон томоохон үнэт чулуу бүхий загалмайн хэлбэртэй алтан зүүлт зүүсэн хүн нь Комбс байсан нь тодорхой” хэмээн мэдүүлсэн байна. Тэрбээр Комбсийг эсэргүүцэх гэж оролдсон ч толгой нь эргэж, бие нь хөдлөхөд бэрх байсан бөгөөд хамгаалагч нь гарнаас нь барьж байсан гэж нэмж өгүүлжээ.

Эр сурвалж ABC news