Урд шөнө Өмнөд Солонгост юу болов??

Өмнөд Солонгосын Ерөнхийлөгчийн зарласан цэргийн дэглэмийг парламентын гишүүд цуцаллаа
Өмнөд Солонгосын парламентын гишүүд Ерөнхийлөгч Юн Сог Ёлийн зарласан цэргийн дэглэмийг хэдхэн цагийн дараа хуралдаж цуцалжээ.

Гэвч цэргийнхэн энэ дэглэмийг Ерөнхийлөгч өөрөө цуцлах хүртэл мөрдөгдөнө гэж мэдэгдсэн байна.

Өмнөд Солонгосын Ерөнхийлөгч Юн Сог Ёл мягмар гарагт орой телевизээр шууд дамжуулсан мэдэгдэлдээ коммунист хүчнүүдээс улс орноо хамгаалах нэрийдлээр цэргийн дэглэм зарласан.

“Би улсын тусгаар тогтнолыг хамгаалж, үндэсний сүйрлээс аварч, Бүгд Найрамдах Солонгос Улсын эрх чөлөөг сэргээн босгоно” гэж тэр мэдэгдэв.

Тэрээр ард иргэдээс өөрт нь итгэж, тодорхой золиослолыг хүлээн зөвшөөрөхийг хүссэн.

Гэвч Ерөнхийлөгчийн тус мэдэгдэлийг  эсэргүүцсэн олон мянган хүн Үндэсний Ассемблейн байрны гадаа жагсаж, цагдаа болон цэргийнхэн тэднийг хянах гэж тэмцсэн байна.

Цэргийн дэглэм буюу Онц байдал зарласны дараа Үндэсний Ассемблейн дарга Ву Вон Шик парламентын гишүүдэд яаралтай хуралдахыг уриалав. Хэдийгээр улс төрийн үйл ажиллагаа хориглогдсон байсан ч 190 гишүүн дэглэмийг цуцлах санал өгсөн.

Гэсэн ч сөрөг хүчний лидер Ли Жэ Мён Ерөнхийлөгчийн энэхүү үйлдлийг “хууль бус” гэж мэдэгдэж, ард иргэдийг парламентын байр руу цуглахыг уриалжээ.

Цэргийнхэн болон цагдаа нар парламентын байрнаас гарсан ч Ерөнхийлөгч дэглэмийг албан ёсоор цуцлах хүртэл сөрөг хүчний гишүүд байрнаасаа явахгүй гэж мэдэгдсэн байна.

Энэхүү улс төрийн хурцадмал байдал цаашид хэрхэн өрнөхийг олон улсын ажиглагчид анхааралтай ажиглаж байна.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %