Өнөөдөр ичигсэд хөдөлж, өвсний үндэс гэсэж сэргэх Ханш нээх өдөр
”ХАНШ НЭЭХ ӨДӨР”ӨНӨӨДӨР БУЮУ 2025 ОНЫ 04-Р САРЫН 04-НЫ ӨДӨР ТОХИОЖ БАЙНА.
Ханш нээх гэдэг нь байгаль дэлхий сэрж, өвсний үндэс хөдлөн амь орно. Хөлдсөн болгон гэсэн, ичсэн болгон гарч, үндэс болгон соёолдог өдөр юм. Тиймээс хүмүүс бие сэтгэлийн ариун нандин байдлыг сахих, хурал ном даган баясах, цагаан хоол идэх зэрэг үйлийг сахиж, амьтны амь таслах, хэрүүл маргаан хийхийг цээрлэх учиртай. Мөн бурхан болоочдоо зул хүж өргөн, газар дэлхийдээ тариа будаа өргөх нь их том буян болдог. Түүнчлэн гэртээ сан, утлага уугиулж, хийхээр зэхэж буй ажлаа эхлүүлж болно. Үр тариа үржиж, мал амьтан төллөдөг учир ажил үйлс ч гэсэн бүтэх нигууртай.
Ханш гэдэг үг нь ээлтэй сайн гэсэн утгатай.
Тиймээс монголчууд энэ өдөр бурхан болоочдынхоо хойноос буян хийж ном хуруулснаар хийсэн буян арвижин дэлгэрэн эд баялагаар арвин, эрүүл саруул байна гэж бэлэгшээдэг.