Сураггүй болсон 2 настай хүүхдийг 3 дахь өдрөө хайж байна

Эрэн хайж буй нутгийн иргэн:

– “Тариалан сумын Баянхошуу гэдэг газар 17-ны өдөр хүүхдийн ээж аав мод бэлтгэхээр очсон байна. Ингэхдээ машинд нь 2 настай болон 5 сартай хүүхдүүдтэйгээ явсан. Хүүхдүүд нь унтаж байсан учраас хоёуланг нь машиндаа үлдээгээд модоо харахаар 20-30 минут явсан гэж байгаа. Буцаад ирэхэд 2 настай хүүхэд нь байгаагүй. Эцэг эх хоёр нэг цаг орчим хайгаад сум руугаа тусламж хүссэн. Ингээд эрлийн ажил өргөжсөн.

Эрэл гурав дахь өдрөө үргэлжилж байна. Өнөө өглөөнөөс эхлээд агаараас эрэн хайх ангийнхан ажиллаж эхэллээ. Шөнийн болон өдрийн дроныг мөн ашиглаж байна. Аймгаас мөн үнэрч нохдыг авчирч, эрэлд явж байна. 240 орчим хүн аймаг, бусад сумд, зэргэлдээ аймгаас ч сайн дураараа ирж хайлцаж байна.

Мэдээж эцэг, эхийн сэтгэл санаа маш хүнд байгаа. Хүүхэд сураггүй болсон газар ой мод сийрэг талдаа. Гэхдээ зуслангийн газар учраас айлууд ихэнх нь нүүчихсэн, 3-4 айл нэлээд хол зайтай байсан. Бага насны хүүхэд учраас цаг явах тусам аврах ажиллагаа хумигдаж байна гэсэн үг” гэлээ.

Happy

0 0 %

Sad

1 100 %

Excited

0 0 %

Sleepy

0 0 %

Angry

0 0 %

Surprise

0 0 %