Хиймэл оюун ухаанд суурилсан эрт илрүүлэлт, оношилгооны “Nura Монгол” төвийг “Таван богд групп” нээлээ

Fujifilm корпорацийн хиймэл оюун ухааны технологид суурилсан эрт илрүүлэг, үзлэг оношилгоогоор жилд 30 мянган хүнд үйлчлэх боломжтой “NURA Монгол” төвийг “Таван богд групп” нээж байна.
Тус төвийн арга хэмжээнд Монгол улсын ерөнхий сайд Л.Оюун-Эрдэнэ, Япон улсын Элчин сайд Кобаяши Хироюки, Эрүүл мэндийн сайд С.Чинзориг, Фүжифильм холдингийн ерөнхийлөгч Гого Тэйчи нар оролцлоо.
“Хиймэл оюун ухаанд суурилсан оношилгоо эмчилгээний энэхүү төв нээгдсэнээр онош тодруулах гэж цаг алддаг, өндөр үнэтэй шинжилгээнд хамрагдахаар Солонгос, Турк зэрэг улс руу явдаг байдлыг халах боломж бүрдэж байна. Энэ нь иргэдийн эрүүл мэнд, амьдралын чанар төдийгүй улс орны эдийн засагт ч эергээр нөлөөлнө”гэж ерөнхий сайд хэлэв
…Гадагш гарч буй валютын урсгалыг дотооддоо үлдээхүйц тоног төхөөрөмж, эмчилгээ үйлчилгээ бүхий компанийг дэмжинэ гэдгээ Ерөнхий сайд өмнө илэрхийлж байснаа ийнхүү ажил болгожээ.
“Nura” төв нь Японы Фүжифильм корпорацийн комьютер томограф, маммограф, дэкса зэрэг эмнэлэгийн дэвшилтэт тоног төхөөрөмж, хиймэл оюун ухааныг ашиглан үйл ажиллагаа явуулдаг дэлхийд алдартай сүлжээ байгууллага юм.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %