Японы сумогийн анхны ёкузона Т.Акэбоно 54 насандаа таалал төгсжээ

Японы сүмогийн домогт 64 дэхь ёкузона, анхны гадаад ёкозуна Таро Акэбоно хэдхэн хоногийн өмнө Токиогийн эмнэлэгт зүрхний дутагдлын улмаас 54 насандаа таалал төгссөнийг гэр бүл нь өчигдөр мэдээлжээ.

1969 онд мэндэлсэн тэрбээр Хавайн нийслэл Хонолулу хотод өсөж, 1988 онд Японд шилжин суурьшиж байжээ.

Үүнээс хойш зургаан жилийн дараа Акэбоно сүмогийн 64 дэх ёкозуна болсон нь гадаад бөхчүүдээс анхны тохиолдол болсон юм.

Тэрбээр нийтдээ 10 удаа сүмогийн дээд зиндааны тэмцээний түрүүг авч, Япон болон төрөлх Хавайдаа олон сая шүтэн бишрэгчтэй болсон байна. Японы ах дүү их аваргууд болох Таканохана Кожи, Масару Ханада нартай хийсэн Акэбоногийн ширүүн өрсөлдөөн сүмог улам сонирхолтой болгодог байв.

1996 онд тэр Япон улсын иргэн болсон юм. Улмаар 2001 онд өвдөгний дараалсан бэртлийн улмаас зодог тайлж байжээ.

Эхнэр, нэг охин, хоёр хүүтэй тэрбээр 7 жилийн өмнөөс тархины гэмтэлтэй бие нь муудсаар хэвтэрт байжээ.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %