“IOSA” аудит шалгалтаар МИАТ компани шалгуулж олон улсын жишигт хүрсэн, стандат хангасан байгууллага хэмээн баталгаажуулжээ

МИАТ ТӨХК нь 2024 оны 6 дугаар сарын 03-с 06-ны өдрүүдэд Олон Улсын Агаарын Тээврийн Холбоо /IATA/-ны 2 жил тутам хийгддэг ээлжит аюулгүй ажиллагааны “IOSA” аудит шалгалтаар амжилттай шалгуулж олон улсын жишигт хүрсэн, стандат хангасан байгууллага болохоо  баталгаажуулжэ.

Энэхүү шалгалт нь ИАТА-гаас аудит буюу (Risk Based IOSA) дүрмийн дагуу Нислэгийн аюулгүй байдлын удирдлага, зохион байгуулалт /ORG/, Нислэгийн үйл ажиллагаа /FLT/, Агаарын хөлгийн засвар үйлчилгээ /MNT/, Нислэгийн хяналт, зохицуулалт /DSP/, Бүхээгийн үйл ажиллагаа /CAB/, Газрын үйл ажиллагаа /GRH/, Ачаа, шуудан тээвэр /CGO/, Нисэхийн аюулгүй байдал /SEC/ зэрэг нийт 930 стандартын 550-иар нь эрсдэлд тулгуурласан үнэлгээ хийж, илүү дэлгэрэнгүй бичиг баримт, нотолгоо үзүүлэн шалгуулж 98,5% амжилт үзүүлсэн нь бусад Олон улсын агаарын тээвэрлэгчдийн шалгуулсан үл тохирлын үнэлгээний дунджаас 50 хувиар илүү амжилт үзүүллээ.