Вьетнамд Супер Яги нэрт хар салхи дэгдэж, 21 хүн амь насаа алдаж, 48 хүн бэртжээ

Вьетнамын хойд хэсэгт “Супер Яги” нэртэй хар салхи энэ сарын 8-нд дайран өнгөрч, улмаар аадар борооны улмаас хөрсний гулгалт үүсэж, 21 иргэн амь насаа алдан, 48 иргэн хүнд бэртэж, гэмтэн, олон арван иргэн ор сураггүй болоод байна.

Мөн 50.000 гаруй оршин суурчдыг аюулгүй газарт нүүлгэн шилжүүлж, Ханой хотод тог цахилгаан тасарч, барилга байгууламж нурж, зам тээврийн дэд бүтцэд томоохон хохирол учруулжээ.

Тус улсын Засгийн газраас 12 мужийн сургуулиудыг хааж, дөрвөн нисэх онгоцны буудлын үйл ажиллагааг зогсоон, хойд бүсийн оршин суугчдыг гэрээсээ гарахгүй байхыг анхааруулсаар байна.

Leave a Reply

Your email address will not be published. Required fields are marked *