Монгол улс газрын тосны үйлдвэрт 1.5 сая тн газрын тос хэрэгтэй ч Петрочайна үйлдвэр 300 мянгыг л олборлож байна

Энэтхэг улсын Засгийн газраас санхүүжүүлж буй 1.7 тэрбум ам.долларын өртөгтэй газрын тос боловсруулах үйлдвэрийн бүтээн байгуулалт 2026 оны III сард дуусах төлөвтэй буйг  төслийн менежментийн зөвлөх “Engineers India” компаниас мэдээллээ

Үйлдвэр ашиглалтад орсноор жилдээ 1.5 сая тонн түүхий газрын тос боловсруулж, дотоодын газрын тосны хэрэглээний 55 орчим хувийг хангах боломжтой болно гэж тооцоологдсон.

Гэтэл үйлдвэр ажиллаж эхэллээ гэхэд дээрх үзүүлэлтүүдийг хангах хэмжээнд үйлдвэрлэл явуулахад шаардлагатай түүхий газрын тосыг бид олборлож чадах уу гэдэг нь эргэлзээтэй байгаа гэнэ.

Монгол улсын хэмжээнд газрын тосны  хайгуулын 34 талбай ялгасан тухай АМГТХЭГ мэдээлсэн. Эдгээрээс гол олборлогч Дорнод аймгийн Тосон уул, Тамсагийн ордод  “Петрочайна Дачин Тамсаг” олборлолт хийдэг.

Тус компанийн олборлолтын хэмжээ нь жил ирэх тусам буурч, үйлдвэр ашиглалтад орох үед дөнгөж 300 мянган тонныг олборлох төлөвтэй байгааг АМГТГ-ын Газрын тос, бүтээгдэхүүний газрын дарга Б.Түвшинжаргал мэдээлсэн.

Тэрбээр, цаашид улсын хэмжээнд газрын тосны хайгуулын ажлыг эрчимжүүлж, шинэ орд нээх зайлшгүй шаардлагатайг онцолсон.

Happy

0 0 %

Sad

0 0 %

Excited

0 0 %

Sleepy

0 0 %

Angry

0 0 %

Surprise

0 0 %