Хүчингийн хэргийг нуун дарагдуулахаар хохирогчийг Солонгост дууджээ

Read Time:1 Minute, 47 Second

Хүчингийн хэргийг нуун дарагдуулахаар хохирогчийг Солонгост дууджэ

Өмнөговь аймгийн Цогт-Овоо сумын нутагт байрлах бааздаа амрааж байсан солонгос жуулчин 29 настай Ю-г Хүннү тур компанийн хөтөч Т гэгч хүчиндсэн хэрэг гарч уг хэргийг цагдаагийн байгууллага шалгаж байгаа талаар мэдээллэсэн. Тэгвэл хохирогч бүсгүй Ю-д нөлөөлж, хэргийг нуун дарагдуулахаар Хүннү тур компанийн захирал Шин Хен Ху гэгч оролдож эхэлсэн байна. Тэрбээр хүчингийн хэргийг нуун дарагдуулахаар хохирогч Ю-г солонгос руу дуудаж аваачсан байна.

Хохирогчийн хувьд өөрийгөө маш ихээр доромжлуулсан, сэтгэл санааны асар хүнд байдалд орсон гэж үзэж байгаа учир уг хэргийг олон улсын хуулийн байгууллагад хандаж шийдвэрлүүлнэ гэдгээ мэдэгджээ. Учир нь Хүннү тур компанийн эзэн Солонгос иргэн Шин Хён Ху гэгч Монгол Улсад 10 гаруй жил аялал жуулчлалын бизнес эрхэлж байгаа, монголын шийдвэр гаргах түвшинд танил тал ихтэй байж болзошгүй гэсэн үүднээс монголын хууль хяналтын байгууллагад итгэхгүй байгаааа хохирогч бүсгүй эх сурвалжаар дамжуулан хэлэв.

Хүннү тур компанийн хувьд Монголын аялал жуулчлалын зах зээлд үйл ажиллагаа эрхэлж байгаа атал холбогдох хууль журмыг огт баримталдаггүй. Үүний бодит жишээ нь хүчиндүүлсэн эмэгтэйд хөтчөөр ажилласан Т гэгч ямар ч үнэмлэхгүй, газарчилж явахдаа жуулчин эмэгтэйн биед согтуурхан халдсан байдаг. Хамгийн гол нь энэ хэрэг анх удаа гарч байгаа биш бөгөөд өнгөрсөн оны мөн энэ үед бас ийм хэрэг гараад жуулчин, хөтөч, компани тохирон асуудлыг дарсан байдаг юм байна. Ойрын эх сурвалжийн өгүүлсэнээр Хүннү тур компанийн захирал Шин Хён Ху гэгч асар их мөнгөний асуудалтай, тиймээс хөтөч, орчуулагчдыг аль болох хямд хөлсөөр ажиллуулдаг. Энэ утгаараа оюутнууд болон ажлын байрандаа тэнцээгүй халагдсан этгээдүүдийг маш хямдаар ажлын хөлс тохирч ажиллуулдаг гэнэ.

Тэр ч бүү хэл оюутан охидыг хэлмэрч, хөтчийн ажлын байранд авсан атал хөгшин жуулчдад архи хундагалуулах ажил хийлгэснээс болж асуудал үүсч байсан. Шин Хён Ху-гийн хамаарал бүхий этгээд \дүү нь гэдэг мэдээлэл өгсөн\ Баянгол дүүргийн нутагт Модны хоёрт байрлах White house-д караоке ажиллуулдаг. Уг караокед Монгол охидыг зочид зугаацуулахаар ширээнд суулгаж, архи хундагалуулдаг. Мөн White house-д Хүннү тур компанийн оффис байдаг бөгөөд Төв аймгийн Эрдэнэ сумын нутагт орших Хүннү тур амралтын баазад ч мөн солонгос хөгшин аялагчдад үйлчилдэг тусгай үйлчилгээ үзүүлдэг талаар мэдээлэл ирүүллээ. Тиймээс бид уг иргэний ирүүлсэн мэдээлэл асуудлыг шалгуулахаар холбогдох хуулийн байгууллагад хандахаар ажиллаж байгаа болно.

эх сурвалж: Мөрч.мн