Палеонтлогич Монгол эмэгтэй М.Болорцэцэг Говиос долоо хоногийн дотор 67 ширхэг үлэг гүрвэлийн яс олжээ

Read Time:1 Minute, 21 Second

Мөнх тэнгэрийн эрэлд амьдралаа зориулсан эмэгтэйтэй танилц‼️ Тэр бол үлэг гүрвэлийн яс ухаж олохын зэрэгцээ өөрийн мэргэжлийн хил хязгаарыг тэлж буй нэгэн юм.

Монголын үлэг гүрвэлийн судалгааны хүрээлэнгийн захирал, доктор Болорцэцэг Минжин:
“Анхны чулуужсан үлдэгдэл олох тэр мэдрэмжийг юу ч орлож чадахгүй. Би маш их баярлаад, ‘Өө бурхан минь, би эртний амьтныг оллоо!’ гэж бодсон. Тэр мөчийг хэзээ ч мартаж чаддаггүй” гэв.

Болор анхны экспедицдээ тогоочоор оролцсон бөгөөд энэ нь түүнд олдсон цорын ганц боломж байлаа. Тэр үед хоол ч хийж чаддаггүй байсан гэнэ.

Тэрбээр:
“Надаар хийлгэсэн хоолыг хүн дуртай идэхгүй байх байсан биз!” гэжээ.

Аз болоход, Болор шинжлэх ухааны авьяасаа хурдан харуулж, ердөө нэг долоо хоногийн дотор Говийн цөлөөс 67 ширхэг үлэг гүрвэлийн чулуужсан яс олжээ.

“Энэ үнэхээр гайхалтай нээлт байсан. Гэхдээ чулуужсан үлдэгдэл олох гэдэг цаг хугацаа, тэвчээр, олон цагаар алхах шаардлагатай ажил юм. Бас сайхан дасгал болно шүү!” гэж Болор хэлэв.

Эхэндээ Болор энэ мэргэжилд ороход бэрхшээлтэй тулгарчээ. Хүмүүс эмэгтэй хүн ийм салбарт ажиллана гэдэгт эргэлздэг байв.
“Ер нь палеонтологич гэж эрэгтэй хүний мэргэжил гэж хүмүүс боддог байсан. Миний ээж хүртэл тэгж боддог байсан,” гэж тэр өгүүлэв.

Ээж нь бүр Болорын мэдээгүйгээр түүний их сургуулийн мэргэжлийг хүнсний шинжлэх ухаан руу хандуулж байсан удаатай.
“Би хичээлдээ ороход юуны тухай хичээл болохыг ч мэдээгүй байлаа” гэж Болор дурсав.

Гэсэн ч тэрээр мэргэжлээ эргүүлэн геологичоор сольж чадсан бөгөөд олон чухал нээлт хийж, Монголд хууль бусаар гаргасан 70 орчим чулуужсан олдворыг эх оронд нь буцаан авчрах ажлыг хийжээ.

Болор Өмнөд Африкийн палеонтологич доктор Анусуя Чинсамий Турантай хамтран чулуужсан үлдэгдэл олох баяр баясгалантай, саад бэрхшээлтэй их ажлыг даван туулж салбартаа тэргүүлэгчид болсон талаар BBC World -той ярилцсан байна.

Эх сурвалж BBC World Service