Доналд Трамп Венесуэлийн Ерөнхийлөгч Н.Мадурог хэрхэн баривчилсан тухайгаа Mar-a-Lago дахь ордонгоос мэдээлэл хийжээ
АНУ-ын Ерөнхийлөгч Доналд Трамп Венесуэлийн Ерөнхийлөгч Николас Мадурог хэрхэн баривчилсан тухайгаа Флорида дахь Mar-a-Lago дахь ордонгоос 
урд шөнө мэдээллийн хэрэгсэлүүдээр шууд дамжуулагдав
Тэрбээр, АНУ-ын хүчнийхэнтэй хамтран, “онцгой нарийн төвөгтэй” уг ажиллагааны бүх явцыг бодит цагийн горимоор хянаж байснаа дурджээ. Анхны төлөвлөгөөгөөр Мадурог хэд хоногийн өмнө баривчлахаар байсан ч цаг агаарын нөхцөлөөс шалтгаалан ажиллагааг хойшлуулж, дөрвөн өдөр хүлээсний эцэст гүйцэтгэсэн гэж тэрбээр тайлбарласан байна.
Трампын ярьснаар Мадуро тухайн үед маш өндөр хамгаалалттай байшинд байсан бөгөөд уг барилга нь ган хаалга, бүх талаараа бат бөх гангаар хийсэн “аюулгүй бүс” бүхий байгууламж байжээ. Тэр байгууламжийг Мадуро халдлагаас хамгаалж өөртөө зориулан бүтээлгэжээ.
Гэвч Америкийн тусгай хүчнийхэн маш хурдан шуурхай ажиллагаа явуулсны улмаас Мадуро уг хамгаалалтын бүсэд орж амжилгүй баривчлагдсан байна.
Тусгай хүчнийхэн ган хаалгыг нэвтлэх бүх техник, тоног төхөөрөмжийг бэлдсэн байсан ч түүнийг хэрэглэх шаардлага гараагүй гэж Трамп мэдэгджээ.
Телевизэд өгсөн мэдээний АНУ-ын албаны эх сурвалжийн хэлснээр уг ажиллагаанд АНУ-ын армийн тусгай хүчний Delta Force шууд оролцож, Николас Мадурог биечлэн баривчилсан бол Тагнуулын төв газар түүний байршлыг тогтоох тагнуулын мэдээллээр дэмжлэг үзүүлсэн байна.
Мөн ажиллагааны өмнө цэргүүд баривчилгаа хийх байшинтай яг ижил загвартай барилгыг урьдчилан барьж, нарийвчилсан дадлага сургуулилалт хийсэн гэж Трамп онцолжээ.
Уг ажиллагааны үеэр Америкийн талаас амиа алдсан цэрэг байхгүй бөгөөд цөөн тооны цэрэг шархадсан ч биеийн байдал нь тогтвортой байгаа аж.
Доналд Трампын мэдээлснээр Николас Мадуро болон түүний эхнэр Силия Флорес нарыг нисдэг тэргээр АНУ-ын тэнгисийн цэргийн USS Iwo Jima хөлөгт хүргэж, улмаар Нью-Йорк хотод авчран “мансууруулах бодисын террористуудтай хуйвалдсан” зэрэг хэрэгт холбогдуулан яллагдагчаар татан шүүхээр төлөвлөж байгаа ажээ.
Венесуэлийн цаашдын нөхцөл байдлын талаар Трамп АНУ одоогоор дараагийн алхмаа тодорхойлж байгаа “өмнөх дэглэмийг өөр хүн үргэлжлүүлэх нөхцөлийг бүрдүүлэхгүй” гэдгийг онцолсон байна. Тэрбээр Венесуэлийн ард түмэнд эрх чөлөө авчрах, АНУ-тай харилцааг шинэ шатанд гаргах зорилготой байдал хэвийн болтол тус улсыг АНУ удирдана гэдгээ илэрхийлжээ.