Барилга эхлүүлэх зөвшөөрөлгүй ч суурийн газрыг хэдэн метрээр дураараа хэтрүүлэн ухах “Фужи девелопмент” ХХК-ийхан төрөөс илүү эрх мэдэлтэй
Хан-Уул дүүргийн 2 дугаар хорооны “Нэхмэлийн шар” хэмээн нэршсэн байрнуудын дахин төлөвлөлтийн барилгын ажлыг хэрэгжүүлж буй “Фүжи Девелопмент” ХХК- нь Нэхмэлийн шарын 7 дугаар байрны суурийн газрыг Архитектур төлөвлөлтийн зургаас хэтрүүлэн ухжээ.
Фүжи Девелопмент” ХХК нь Хан-Уул дүүргийн 2 дугаар хорооны Нэхмэлийн шарын 1, 2, 5, 6, 7, 10, 11, 16, 5,6-р байрны дахин төлөвлөлтийн төслийг хэрэгжүүлж, байгаа юм.
“Тус компаи нь Нийслэл болон дүүргийн холбогдох байгууллагынхан хэмжилт хийхэд дахин төлөвлөлтийн байршлаас урагшаа 4.5 метр, хажуу тийш 9 метр хэтрүүлж барилгын сууриа ухсан. Барилгын талбайн зөвшөөрлөө Хот байгуулалт, хөгжлийн газраас авалгүйгээр дур мэдэн суурь ухсан. Зөвшөөрлөө дараа нь авна гээд ухсаар байна. Хуучин байрнуудыг нураах зөвшөөрөлтэй боловч шинэ зураг төсөл, суурийн зургийг батлуулаагүй, барилга эхлүүлэх зөвшөөрөлгүй үйл ажиллагаа явуулж байна.