Өмнөд Солонгосын ерөнхийлөгчийг баривчлах тушаалыг түр түдгэлзүүлжээ
БНСУ-ын Ерөнхийлөгч Юун Сок Ёлыг цэргийн онц байдал зарласантай холбоотойгоор парламент түүнийг импичментээр огцруулж, албан тушаалаас нь түдгэлзүүлсэн. Хэдхэн хоногын дараа Сөүл хотын баруун дүүргийн шүүхээс түүнийг баривчлах тушаал гаргасан бөгөөд энэ нь БНСУ-ын түүхэнд анх удаа төрийн тэргүүнийг баривчлах шийдвэр гарсан тохиолдол юм.
Өнөөдөр буюу 2025 оны 1-р сарын 3-ны өглөө Авлигатай тэмцэх газар болон цагдаагийн байгууллага хамтран Ерөнхийлөгч Юун Сок Ёлыг баривчлах ажиллагааг эхлүүлсэн ч баривчлах тогтоолыг түр түдгэлзүүлжээ.
Учир нь ерөнхийлөгчийн хамгаалалтын албаныхан цагдаагийнхныг дотогш нэвтрүүлээгүй байна.
Мөн Юун ерөнхийлөгчийн талыг дэмжигч, баримтлагч иргэдийн жагсаал хаа сайгүй болж буй зэргээс шалтгаалж ямар нэгэн мөргөлдөөн гарахаас болгоомжилж түр азнаж түдгэлзүүлэв хэмээн ажиглагчид үзэж байна.