Өмнөд Солонгосын ерөнхийлөгч огцорсон ч тэргүүн хатагтайн эрх ямба хэвээр үлдэнэ
Read Time:1 Minute, 1 Second
Ерөнхийлөгч Юн Сог Ёл огцорсон ч Солонгосын тэргүүн хатагтайн эрх ямба, хамгаалалт хэвээр үргэлжилнэ.
Ерөнхийлөгч Юн Сог Ёл-ын эхнэр Ким Гон Хи хатагтай баривчлах зөвшөөрөл гаргахын өмнөхөн ерөнхийлөгчтэй хамт ордонд байжээ.
Ким хатагтай нь ерөнхийлөгчийг баривчлагдахад ордонд хамт байж, өмгөөлөгчдийн баг, АТГ-ын мөрдөгчдийн уулзалтад оролцсон ба Ардчилсан намын гишүүдтэй уулзах үеэр ч бас оролцсон аж.
УИХ-ын гишүүн Квон Ён Жин ордонд очсоны дараа сэтгүүлчидтэй ярилцахдаа: “Ким хатагтайг харсан. Түүний царай маш ядруу харагдсан, өрөвдмөөр байсан” гэж мэдэгдсэн байна.
Ерөнхийлөгч Юн Сог Ёл өнөө өглөө АТГ-ын төв байранд байцаалт өгөх гэж хүргэгдэхэд ч Ким хатагтай ордонд байгааг мэдээлжээ.
Хуулийн дагуу тэрбээр “Ерөнхийлөгчийн гэргий” статустай хэвээр байгаа учир хамгаалалт, аюулгүй байдлын үйлчилгээг үргэлжлүүлэн авч байгаа юм.
Өмнө нь 2018 онд Ерөнхийлөгч асан И Мён Баг авлигын хэргээр баривчлагдсан үед ч түүний гэргий Ким Ён Үг хатагтайд хамгаалалт, Сөүл хотын гэрийнх нь аюулгүй байдлын үйлчилгээг үргэлжлүүлж байсан ажээ.
Хэрэв Ерөнхийлөгч Юн Сог Ёл-ыг Үндсэн хуулийн шүүхээс огцрох шийдвэр гаргавал Ким хатагтай ордноос гарах ёстой боловч тодорхой хугацаанд хамгаалалт хэвээр үргэлжлэх аж.
“Ерөнхийлөгч асан төрийн зүтгэлтний ёслолын тухай хууль”-ийн дагуу ерөнхийлөгч албан тушаалаасаа огцорсон тохиолдолд бусад хөнгөлөлтүүдийг цуцлах боловч хамгаалалт, аюулгүй байдал хэвээр үргэлжлэх зохицуулалттай байдаг ажээ.
Эх сурвалж: MBN news
Happy
0 %
Sad
0 %
Excited
0 %
Sleepy
0 %
Angry
0 %
Surprise
0 %
0
0
Average Rating