Air India-ийн онгоцны ослын хар хайрцагны төхөөрөмжийн мэдээллийг сэргээжээ

Read Time:1 Minute, 12 Second

2025 оны 6-р сарын 27
BBC News

Энэтхэгийн Иргэний нисэхийн яам мэдэгдэхдээ, энэ сарын 12-нд Ахмедабад хотоос Лондонгийн чиглэлд хөөрөөд осолдсон Air India компанийн Boeing 787-8 Dreamliner онгоцны “хар хайрцаг” буюу нислэгийн бичигч төхөөрөмжүүдийн өгөгдлийг сэргээсэн байна.

Уг осол нь хөөрсөнөөс ердөө 40 секундийн дараа сүйрсэн, 270 гаруй хүн амиа алдсан аймшигт осол болсон юм.

242 зорчигч тээвэрлэж явсан онгоцноос зөвхөн ганцхан хүн амьд үлдсэн нь Энэтхэгийн агаарын тээврийн түүхэн дэх хамгийн хүнд ослуудын нэг гэж тооцогдож байна.

Иргэний нисэхийн яамнаас мэдээлснээр, Энэтхэгийн Онгоцны ослын мөрдөн байцаах товчоо (AAIB) болон АНУ-ын Үндэсний тээврийн аюулгүй байдлын зөвлөл (NTSB) хамтран ажиллаж, нислэгийн мэдээлэл болон бүхээгийн дуу бичлэгийн төхөөрөмжүүдээс мэдээлэл гаргаж авсан байна.

Тус хар хайрцаг нь:

📌Хөдөлгүүрийн ажиллагаа, түлшний урсгал

📌Далавч ба дугуйн тохиргоо

📌Галын аюулын дохио

📌Нисгэгчдийн яриа, радиогийн дуудлага
зэрэг чухал мэдээллийг агуулдаг бөгөөд эдгээрийг ашиглан ослын шалтгааныг тодорхойлдог.

NTSB-ын дарга Женнифер Хомэнди:
“Мөрдөн байцаалтын үр дүнг аль болох хурдан олон нийтэд ил тод болгоно гэж найдаж байна. Энэтхэгийн талтай маш сайн хамтран ажиллаж байгаа” гэжээ.
Мэргэжилтнүүдийн зүгээс хар хайрцагны мэдээлэл татах ажил хоёр долоо хоногийн дараа эхэлсэн нь “ер бусын удаашралтай байна” хэмээн олон нийтийн зүгээс шүүмжлэгдэж байна.
Осол нь 2025 оны 6-р сарын 12-нд Ахмедабад хотын орон сууцны дүүрэгт болсон бөгөөд
онгоцыг ахлагч Сумит Сабхарвал, хамтран нисгэгч Клайв Кундар нар жолоодож байжээ
Хөөрснөөс хойш хэдхэн хормын дараа онгоцны ахмад “mayday” дохио өгсөн байна. Энэ нь онц байдал зарласан сүйрлийн дохио байжээ