Багануурын уурхайд гарсан осол улсад ямар хохирол учруулсан бэ?
🔴Багануурын уурхайн уулын 1-р хэсэгт 2025 оны 04 дүгээр сарын 15-ны өдрийн 1-р ээлж 2021 онд худалдан авсан PC1250 №2111 загварын гидро экскаватор нүүрсний мөргөцгөөс шилжих үед мөс цөмөрч усанд гулсан орж осол болжээ.
Усны түвшин нэмэгдэж экскаваторыг гаргахад улам хүндрэлтэй болсоноор 2025 оны 05 дугаар сарын 05-ны өдөр хүртэл 2 насос зэрэг ажиллуулж, усны түвшинг бууруулж, 05 дугаар сарын 06-ны өдрийн 13:00-16:40 цагт экскаваторыг татан гаргасан байна.
Жич!!!!
“Ил уурхайн аюулгүй байдлын дүрмийн 480-д Усаар дүүрсэн малталт, усан сан, гол мөрөн нуур, цөөрмийн ойролцоо хийгдэх уулын ажлыг батлагдсан төслийн дагуу явуулна. Усны цөмрөлт, шүүрэлтээс хамгаалах зурвас үлдээх ба зөвхөн төсөлд заасан хязгаарын дотор ажлыг явуулах, хяналт тавих ажлыг хэрэгжүүлнэ.”
494-д… Усан сан, гүний малталт, ус хураагуурууд болон суваг шуудуу нь хүн унах, живж осолдохоос сэргийлсэн хаалт хашлагатай байх бөгөөд эргэн тойронд нь анхааруулах, хориглох санамж тэмдэг тавьсан байна.” гэж тус тус заасан байдаг юм байна.
Магадгүй, санамсаргүй байдлын уршгаар хүн унасан тохиолдолд живэх, амь насаа алдах эрсдэлтэй нөхцөл байдал үүссэн байгааг зургаас харж болно!!!
Гэтэл PC-1250 №2111 экскаватор нь усан дотор 21 хоног, засварт 6 хоног нийт 27 хоногийн хугацаанд зогссоноос шалтгаалан 4-р сард 60.5 мян.м3, 5-р сард 78 мян.м3, нийт 138.5 мянган м3 уулын цулын төлөвлөгөө алдсан байна.
Мөн o PC-1250 №2111-ийн асуудлыг техникийн зөрчил гэж үзэн оператор П.Галбадрахыг албан тушаал бууруулах, гарсан хохирол болох 3,287,030 төгрөгийг төлүүлэхээр шийдвэрлэсэн байна. Зөвхөн экскаваторын эвдэрсэн компьютерын хохирлын хэмжээг үнэлсэн бөгөөд ус шавхалт, техникийг уснаас гаргах ажиллагаанд гаргасан зардал, уулын ажлын төлөвлөгөө алдсан зэрэг нөхцөлүүдийг тооцоогүй гэж тайлбарлав!!!
Тиймээс албан ёсоор хариулт нэхэж байна. “Маш сайн ажиллаж байхад ажлыг минь булаагаад авчихлаа” гэж өөрийн талын хүмүүсээр яриулж сошиалд мэдээлэл түгээгээд байгаа Багануурын уурхайн дарга Д.Түвшинжаргал энэ үед хаана байв???
Яагаад ийм том асуудал болчихсон байхад толгой компанид мэдэгдэхгүй нууж дарагдуулах гэж гүйв???
Тэр үнэхээр хариуцлагатай ажиллаж байсан уу??
