АНУ-д Hyundai LG-ийн үйлдвэрт хууль бус ажил эрхэлж байсан Өмнөд Солонгосын иргэдийг бөөнөөр нь баривчилжээ
АНУ-д Hyundai LG-ийн үйлдвэрт хууль бус ажил эрхэлж байсан Өмнөд Солонгосын иргэдийг бөөнөөр нь баривчилжэ
Жоржиа мужид баригдаж буй Hyundai–LG батерейны үйлдвэрт цагаачлалын албаныхан нэгжлэг хийж, нийт 475 хүнийг баривчилсан бөгөөд тэдний ихэнх нь АНУ-д хууль бусаар ажиллаж байсан Өмнөд Солонгосын иргэд байсан гэж албаныхан мэдээллээ.
Энэхүү ажиллагаа нь АНУ-ын Ерөнхийлөгч Дональд Трамп цагаачдын эсрэг хатуу бодлого баримталж, Америкийн түүхэнд хамгийн том албадан гаргалтыг явуулна гэж мэдэгдсэн үед тохиож байна.
Дотоодын аюулгүй байдлын мөрдөн шалгах газрын Атланта дахь тусгай агент Стивен Шранкийн хэлснээр, уг нэгжлэг нь “хууль бус хөдөлмөр эрхлэлтийн үйл ажиллагаа болон ноцтой холбооны гэмт хэрэгтэй холбоотой мөрдөн шалгалтын” хүрээнд хэрэгжсэн байна.
“Энэ бол Дотоодын аюулгүй байдлын мөрдөн шалгах газрын түүхэнд нэг цэгт хийгдсэн хамгийн том хэрэгжүүлэлтийн ажиллагаа юм” хэмээн мэдэгдээд, “Энэ ажиллагаа нь Жоржиа болон Америкийн иргэдийн ажлын байрыг хамгаалах бидний тууштай байдлыг харуулж байна” гэжээ.