Дуучин Селена Гомез, хөгжмийн продюсер Бенни Бланко хоёр гэрлэсэн тухайгаа Гомез Инстаграмдаа нийтэлжээ
🔴Дуучин, жүжигчин, бизнесвүмен Селена Гомез, хөгжмийн продюсер Бенни Бланко хоёр гэрлэсэн тухайгаа Гомез Инстаграмдаа нийтэлжээ
Гомез өнгөрсөн Бямба гарагт хуримынхаа зургийг нийтэлж, “🤍 9.27.25 🤍” гэж бичсэн байна.
Зураг дээр Гомез цагаан даашинзтай, харин Бланко хар смокинг өмссөн байв.
Гомезийн төлөөлөгч сэтгүүлчдэд тайлбар өгөхөөс татгалзсан бол Бланкогийн төлөөлөгчид шууд хариу өгөөгүй байна.
Тэдний хурим нь өнгөрсөн 2024 оны 12-р сард сүй тавьснаас даруй нэг жилийн дараа болж байгаа юм. Тухайн үед Гомез “Мөнхөд хамт байх цаг одооноос эхэлж байна” хэмээн бичиж, сүйн бөгжтэй зургуудыг Инстаграмдаа нийтэлж байв. Бланко тухайн үед “энэ бол түүний төсөөлөөгүй хамгийн гайхалтай гэнэтийн бэлэг байсан” гэж Interview сэтгүүлд ярьжээ.
Селена Гомез болон Бенни Бланко нар 2025 оны 3-р сарын 2-нд болсон 97 дахь удаагийн “Оскар”-ын ёслолд хамтдаа оролцсон юм.
Гомез өнгөрсөн 8-р сард подкастын хөтлөгч Жэйк Шэйнд өгсөн ярилцлагадаа тэд анх өөрийг нь 16 настай байхад танилцсан ч романтик харилцаа олон жилийн дараа, 2019 онд “I Can’t Get Enough” дуун дээр хамтарч ажилласных нь дараа эхэлсэн гэжээ. Тухайн дууны клипэнд Бланко ч бас гардаг бөгөөд том чихмэл баавгайны хувцас өмсөн бүжиглэж байв.
Бланко өмнө нь WSJ Magazine-д өгсөн ярилцлагадаа “Таны амьдралын хань яг хажууд чинь байсан мөртлөө та анзааралгүй явж байгаад нэг өдөр гэнэт ‘Би түүнд хайртай юм байна’ гэж ухаардаг тэр мөч үнэхээр гайхалтай” гэж ярьжээ.
2023 онд Гомез Инстаграмын сэтгэгдэлд хариулахдаа Бланкотой зургаан сар нууцаар үерхэж байснаа ил болгосон. Тэр жилдээ хамтдаа “Single Soon” дууг гаргасан бөгөөд 2024 онд Бланко нь Гомезийн “Emilia Pérez” киноны нээлтийн үеэр түүнийг дэмжиж, мөн 2025 оны “Оскар”-т хамт оролцжээ.