Сөүлд Хятад иргэд Солонгос улсад нэвтрэх визгүй болсон журмыг эсэргүүцсэн жагсаал болж байна

Солонгос улс өнгөрсөн есдүгээр сарын 29-нөөс эхлэн Хятадын жуулчдыг 15 хоног хүртэл визгүй нэвтрүүлэх түр журам хэрэгжүүлж эхэлсэн бөгөөд уг журам нь ирэх оны зургадугаар сарын 30-ныг  хүртэл үргэлжилнэ.

Визгүй нэвтрэх журамд, гурваас дээш хүний бүрэлдэхүүнтэй, аяллын агентлагаар дамжсан хятад  жуулчид хамрагдах боломжтой.

Гэвч энэ шийдвэрийг эсэргүүцэн есдүгээр сарын 30-нд Үндэсний Ассамблейн орчимд олон зуун хүн цугларч эсэргүүцлээ илэрхийлжээ.

Жагсаал голдуу Мён-дун  болон Дэрим зэрэг Хятадын жуулчид болон цагаачид олноор төвлөрдөг газруудад өрнөж, зарим үед жуулчдыг шууд чиглэсэн өнгө аястай болжээ. Үүнээс болж аялал жуулчлал, жижиг бизнесүүдэд хүндрэл учирч байна гэсэн гомдол цагдаад олонтоо ирсэн байна. Интернет орчинд бүр Хятадын жуулчдыг сүрдүүлсэн бичлэг, мэдэгдэл гарсан нь цагдаагийн мөрдөн шалгалт эхлэхэд хүргэсэн байна.

Судлаачид ийм эсэргүүцэл бодлогын шүүмжлэлээс цааш гарч, үндэстнийг бүхэлд нь чиглэсэн үзэн ядалт болж хувирах эрсдэлтэйг онцолж байна. Тэдний үзэж байгаагаар ийм жагсаал тасралтгүй үргэлжилбэл Солонгосын олон улсын нэр хүндэд сөргөөр нөлөөлж, ялангуяа ирэх аравдугаар сарын 31-нээс арваннэгдүгээр сарын 1-нд болох APEC-ийн дээд хэмжээний уулзалтад саад учруулж болзошгүй аж.

Happy

0 0 %

Sad

1 100 %

Excited

0 0 %

Sleepy

0 0 %

Angry

0 0 %

Surprise

0 0 %