Шон “Дидди” Комбсын өмгөөлөгчид шүүх хуралдааныг хүчингүй болгуулахыг дахин шаардлаа
Read Time:51 Second
Шон “Дидди” Комбсын өмгөөлөгчид шүүх хуралдааныг хүчингүй болгуулахыг дахин шаардлаа.
Америкийн алдарт продюсер Шон “Дидди” Комбсын бэлгийн хүчирхийлэл, садар самуунтай холбоотой хэрэг шүүх дээр үргэлжилж байна.
Түүний өмгөөлөгчид прокурорууд худал нотлох баримт шүүхэд танилцуулсан гэж үзэн шүүх хуралдааныг хүчингүй болгуулах хүсэлтийг бямба гарагт дахин гаргалаа.
Тэдний мэдэгдсэнээр, гэрч Брайана Бонголан 2016 онд Комбс түүнийг Лос Анжелест 17 давхрын тагтан дээрээс унжуулсан гэж мэдүүлсэн ч тэр үед Комбс Нью-Йорк хотод байсан гэдгийг зочид буудлын баримтаар баталжээ. Бонголан мэдүүлгээсээ буцаагүй бөгөөд прокурорууд энэ хэрэг 9-р сарын 24-нөөс өмнө болсон байж болно гэж мэдэгдсэн.
Үүнээс өмнө прокурорууд рэппер Кид Кадигийн машиныг шатаасан хэргийг дурдсан нь ч өмгөөлөгчдийн эсэргүүцэлтэй тулгарч, шүүгч уг хүсэлтийг хүлээж аваагүй байна.
Комбсыг гэмт бүлэглэлтэй хуйвалдсан, хүйсийн наймаа, садар самуун үйл ажиллагаа зохион байгуулсан гэх зэрэг хэргээр буруутгаж байгаа. Хэрвээ гэм буруутай нь тогтоогдвол бүх насаар нь хоригдох ял хүлээх боломжтой.
Тэрбээр бүх хэргийг үгүйсгэж, гэм буруугүй гэдгээ мэдүүлсэн.
Шүүх хурал ирэх даваа гаригт 5 дахь долоо хоногтоо үргэлжилнэ. Прокурорууд өмгөөлөгчдийн хүсэлтэд хараахан хариу өгөөгүй байна.
Happy
0 %
Sad
0 %
Excited
0 %
Sleepy
0 %
Angry
100 %
Surprise
0 %
0
0
Average Rating