Солонгос улс хогийн уутны хомсдолд орж, хулгайлах явдал гарчээ
Солонгос улс хогийн уутны хомсдолд оржээ
Орон сууцны хогийн цэгээс дүүрэн хогтой уут авч, задлан хогийг нь асгаж зөвхөн уутыг нь авч явсан нэгэн эмэгтэйн бичлэг CCTV-ийн камерт бичигдэн, олон нийтийн сүлжээнд тавигджээ. Үүнийг хулгайлснаас ялгаагүй гэмт хэрэг хэмээн үзэж байна.
Бичлэгийг илгээсэн иргэн энэ удаад цагдаад мэдэгдээгүй ч дахин давтагдвал хуулийн арга хэмжээ авна гэдгээ мэдэгджээ.
Солонгос улсад хуулиар ахуйн хогийг заавал тусгай зориулалтын уутанд хийх ёстой бөгөөд энгийн уутанд хийсэн хогийг ачдаггүй, торгууль төлдөг журамтай.
Ойрхи Дорнодын нөхцөл байдалтай холбоотойгоор нефтийн гаралтай түүхий эдийн нийлүүлэлт доголдож, улмаар хогийн уутны хомсдол тус улсад үүссэн байна.
Үүний улмаас иргэд хогийн уут ихээр нөөцөлж, зарим худалдаачид хүртэл бараа худалдан авалтад уут бэлгэнд өгдөг болжээ